Fellesnaust
Fellesnaust er allment tilgjengelege naust-anlegg der tradisjonsbåtar står klare for bruk og ventar på deg! Med vogn på hjulvenleg underlag og elektrisk vinsj er det enkelt for ein person åleine å sjø- og landsetja båtar uavhengig av vannstand. Klasse-sett med båtar i ulike storleikar sikrar at både åleine-brukaren og den store gruppa kan koma seg utpå.
Ny bok om fellesnaust vert lansert tysdag 5. mars på Nøsteboden i Bergen.
Prosjektet «Fellesnaust for tradisjonsbåtar» har som mål å:
1. Skapa lavterskel-møtestader mellom folk i ulike aldrar gjennom allment tilgjengelege fellesnaust som hyser nybygde tradisjonsbåtar.
2. Fremja fellesskap, naturopplevingar, folkehelse og folkeopplysning i både bygd og by gjennom fysisk aktivitet i naturen i tradisjonsbåtar.
3. Vidareføra den UNESCO-oppførte kulturtradisjonen bygging og bruk av nordiske klinkbygde tradisjonsbåtar tilpassa moderne bruk.
Bli gjerne med på diskusjonen om fellesnaust på Facebook. Søk etter Fellesnaust!
