Skal du arrangera?

Her er instruksjonsvideo som viser korleis du melder inn eit arrangement i kalenderen på Kystkultur.no.

 

Når du loggar inn og registrerer informasjonen om ditt arrangement vil kystkultur no! bruka denne infoen i marknadsføringa på nettsida og annonsekampanjar på nett, i aviser og på andre flater. Dess meir info du registrerer, dess meir kan kystkultur no! skreddarsy marknadsføringa av ditt arrangement.

 

Alle arrangement på kystkultur no! er knytt til arrangør og stad. Difor vel du først kven og kvar, innan du legg inn sjølve arrangementet.

 

Før du legg inn arrangementet kan du sjå om det finst frå før, slik at du kan kopiere innhald frå den gamle hendinga til den nye. På same vis kan du velga eksisterande arrangør om du representerar nokon som har hatt tidlegare arrangement på nettsida.

 

Etter at du har sendt inn vil kystkultur.no i løpet av 48 timar sjekka og godkjenna informasjonen før sida vert publisert. Sjekken handlar om å kvalitetssikra at informasjonen kan fungera på ulike flater. Tenk difor særleg nøye gjennom kva du skriv i tittel og ingress.

 
Du kan sjølvsagt løpande justera informasjonen etter fyrste gongs publisering. Ver merksom på at det kan ta inntil 24 timar før endringane er synlege på alle digitale flater.

 

Ved å registrera deg godtek du våre vilkår.